الدراسة بكلية الطب جامعة مصر للعلوم والتكنولوجيا

و عليكم السلام و رحمة الله وبركاته
بص يا د جمال بالنسبة لاختصار السنين بال summer course
متاح و ممكن
بس بيبقى ليك عدد معين من ابساعات الى ممكن تاخدها تقريبا 9-12 يعنى نص ترم تقريبا
---------------------------------
و بالنسبة لاختصار المواد او معادلتها فانا شخصيا محول و عادلت سنة كاملة عادى
بس مش عارف بقى المحتوى الدراسى من 1994 هيختلف عن دلوقت و لا لا عشان هما بياخدوا بالمحتوي بتاع المادة مش بالاسم و بس

و ارجو انى اكون ساعدتك

شكرا لك يا دكتور علي الافادة ولو توصلت الي معلومات اخري بخصوص المعادلة يا ريت تقولي وعلي فكرة انت محول من كلية ايه وهل معني كلامك انك اختصرت سنة كاملة من الدراسة في طب الاسنان ؟

انا محول من كلية علوم جامعة القاهره
و عديت فيها سنتين و اتعادلى فى اسنان سنة كاملة ماعده حبة مواد بسيطة
بس المواد الى اتعدلتلى كانت من سنة اولى علوم بس يعنى تانية علوم ضاعت عليا

كويس اوي وطبعا المصاريف بتتخصم عن المواد اللي عادلتها ولا لازم تتدفها ؟ ويا ريت تقولي عن المصاريف الاجبارية وcredit hour تساوي كام ساعة دراسة

لو الساعات الى اتعدلتلك كملت ترم او سنة هيتخصم تمنها و لو كانت حبة مواد بس هيا الى اتعدلت يبقى مش هينقص حاجة فى الفلوس
انا اتعادلى 34 ساعة و ده يخلينى اعدى سنة اولى بس بيبقى ناقصلى حبة مواد
و كده مدفعتش فلوس سنة اولى بس المواد الى اتبقت خدتها summer course و طبعا دفعت حق الsummer course و ده غالبا الى هيحصلك

بالنسبة لفلوس بقيت السنين بتتحاسب بسعر الساعة فى السنة الى انت داخل فيها
حتى لو بقيت بتدفع اكتر من الدفعة الى انت ماشى معاها

يعنى انا بدفع 10600 فى الترم و صحابى فى نفس الدفعة بيدفعوا 9600

والله يا دكتور انا عاجز عن الشكر انا استفدت منك كتير وربنا يوفقك .

للأسف انا سألت النهاردة وعرفت انه يمكن قبولك في الجامعة ولكن كطالب مستجد ويشترط للقبول الا يمر على شهادة الثانوية العامة اكثر من 10 سنين

علي فكرة انا اتصلت بجامعة 6 اكتوبر وعرفت انه ممكن نقدم بالدبلومة كشهادة لانه فعلا لازم يكون اخر شهادة لم يمر عليها اكثر من 10 سنين بس هي المشكلة في المعادلة عموما شوف عندكم الدبلومة تنفع عندكم اقدم بيها كشهادة (دبلومة باثولوجي) في اي كلية علمية كالعلاج الطبيعي مثلا او طب الاسنان

ساحاول ان اسأل عن ذلك يوم السبت ان شاء الله

شكرا ليكي وانا مستني الاجابة و يا ريت تعرفيني بطبيعة الدراسة بتاعتك

سألتي ولا لسه وما قولتيشي ايه طبيعة الدراسة بتاعتك

eladmin mash3'ola shoia fe elmontada elVB
bas 3amatan momken te3raf 7aga 3an tabe3et derasetha men eltopic da

https://gam3etmasr.ahlamontada.net/montada-f9/topic-t160.htm

شكرا يا coro انا دخلت وعرفت واول مرة اعرف المعلومات دي والله تفكير منطقي جدا .عايز اعرف بعد اذنك تقلت عليكوا يعني ايه admin ومشرف ومين اللي بيحدد الاشخاص دول ايه وظيفتهم وفيه شات في المنتدي ولا لا ولو فيه اخل علية ازاي .وشكرا علي سعة صدرك

dr_gamal53 كتب:

علي فكرة انا اتصلت بجامعة 6 اكتوبر وعرفت انه ممكن نقدم بالدبلومة كشهادة لانه فعلا لازم يكون اخر شهادة لم يمر عليها اكثر من 10 سنين بس هي المشكلة في المعادلة عموما شوف عندكم الدبلومة تنفع عندكم اقدم بيها كشهادة (دبلومة باثولوجي) في اي كلية علمية كالعلاج الطبيعي مثلا او طب الاسنان

ربنا يكرمك يا coro حاول تعرف رد للاستفسار ده وتأكد من موضوع المعادلة الله يكرمك ويبارك فيك

انا سألت يا دكتور، وللأسف مصرين إنه الدراسة من الأول بس coro يسأل تاني لأنه أحيانًُا في ناس بتكلم من غير ما تعرف حاااجة

شكرا ليكي يا admin ودايما منورة المنتدي انتي و coro

التعريف بالكلية كما طلبته يا دكتور من هنا

https://gam3etmasr.ahlamontada.net/montada-f10/topic-t194.htm#569

بالنسبة لحكاية الأدمن " Admin" فده لقب اللي عمل المنتدى ان شاء الله أخلص المنتدى الجديد واخلص من اللقب دا، المشرفين: أي عضو عايز يكون مشرف بيبعتلي القسم اللي عايز يشرف عليه ولو كليه بيعرفني ايه المواد اللي اخدها في التيرم بس، المشرف وظيغته الأساسية انه يراقب المواضيع في القسم بتاعه

عظيم جدا بالنسبة لطبيعة الدراسة بتاعتك .واعتقد ان الكلية دي لم تكن موجودة من قيل . بس ليه انتي عايزة تخلصي من اللقيب ده طالما انتي اللي عاملة المنتدي .علي فكرة يعني انتي اللي مصمماه علي هذا الشكل؟ معلشي انا معنديش اي فكرة عن كيفية عمل المنتديات وطريقة شغلها

الحقيقة انه انا كمان لم يكن عندي أي فكرة عن تصميم المنتديات، ولكن انا فعلاً اللي صممته كده، بس تقدر تقول انه الموضوع هنا أسهل بمرااااحل من منتدى ال VB

ادخل علي مندتي ال VBازاي ويعني ايه VB

للأسف لا يمكنك دخوله الآن لأني لم أنته منه بعد؛ منتدى VB نوع مختلف بعض الشئ عن المنتدى هنا بالنسبة للإدارة أعتقد إنه مش هيكون في إختلاف كبير عن اللي احنا فيه غير العنوان بتاعه اللي هيكون أقصر بكتيييير ان شاء الله

عمومًا ممكن تراجع الموضوع دا كمان

https://gam3etmasr.ahlamontada.net/montada-f31/topic-t189.htm#523

فينك يا coro سألت عن الدبلومة تنفع اقدم بيها كشهادة ولا لا؟. والله الموضوع مهم جدا وعايزك تهتم بيه شوية

Coro كلمني وهو سأل فعلاُ لكن عنده مشكله في النت، عمومًا اللي وصله نفس الكلام اللي عرفته ، وهو ان حضرتك بتكون طالب مستجد بدون أي معادلة لأنهم بياخدوا بشهادة الثانوية العامة مش الدبلومة